පොළොන්නරුව – තුම්මෝදර ජල ගැලුම් නිම්න ජාතික උද්‍යානයේ වගුරු බිමේ මඩේ එරීමෙන් මිය ගිය තවත් වන අලි දෙදෙනෙකුගේ සිරුරු හමුවී තිබෙනවා.
අප වාර්තාකරු සඳහන් කළේ වනජීවි නිලධාරීන් සිදුකළ මෙහෙයුමකින් අනතුරුව එලෙස මිය ගොස් සිටි වන අලි දෙදෙනාගේ සිරුරු අද (02) සොයා ගත් බවයි.
ඊයේ (01) දිනයේදී ද එලෙස මඩේ එරීමෙන් මියගිය වනඅලි 5 දෙනෙකුගේ සිරුරු හමුවුණා.
අද දිනයේදී හමුවූ වන අලි දෙදෙනාගේ සිරුරු ගොඩ ගැනීම හෙට (03) සිදුකිරීමට නියමිත බවයි අප වාර්තාකරු සඳහන් කළේ.
මේ අතර, තවදුරටත් වගුරු බිමෙ තුළ විශේෂ පරීක්ෂා කිරීමක් සිදුකිරීමට වනජීවි නිලධාරීන් තීරණය කර තිබෙනවා.
