පණ්ඩිත් ඩබ්ලිව්.ඩී.අමරදේවයන්ට කෘතවේදීත්වය පළ කරමින් ස්ථාපිත කෙරෙන අමරදේව සෞන්දර්ය හා පර්යේෂණ කේන්ද්‍ර පනත් කෙටුම්පත සම්බන්ධයෙන් වන විවාදය අද පාර්ලිමේන්තුවේදී පැවැත්වුණා.
එය සංශෝධන සහිතව සම්මත වූ අතර, ජනාධිපති මෛත්‍රීපාල සිරිසේන ද අද එම විවාදයට එක්වීම විශේෂත්වයක්.
පණ්ඩිත් අමරදේවයන් ජීවත්ව සිටි කාලයේදී රජයෙන් කළ ඉල්ලීමේ ප්‍රතිඵලයක් ලෙස සහ ඔහුගේ අවමංගල්‍ය උත්සවයේදී ජනාධිපතිවරයා ලබාදුන් පොරොන්දුවක් ඉටු කරමින් අමරදේව සෞන්දර්ය හා පර්යේෂණ කේන්ද්‍රය ඉදිකෙරෙනවා.
ඒ සදහා පසුගිය වසරේ අගෝස්තු 28 වනදා ජනාධිපති මෛත්‍රීපාල සිරිසේන අතින් මුල්ගල් තැබුණු අතර වැය කෙරෙන මුදල රුපියල් මිලියන 250ක්.
