දකුණු අප්‍රිකාව සමඟ පැවති 5 වන එක්දින තරඟයේ ශ්‍රී ලංකා ජය තහවුරු කරමින් ලකුණු 29කට කඩුලු 6ක් බිද හෙළුෑ අකිල ධනංජය අයි.සී.සී. එක්දින පන්දු යවන්නන්ගේ දර්ශකයේ ස්ථාන 22ක් ඉදිරියට පැමිණ 21 වන ස්ථානය හිමි කරගෙන තිබෙනවා.
ඒ අනුව සුරංග ලක්මාල්ට වඩා ස්ථාන 7ක් ඉදිරියට පැමිණි අකිල ධනංජය හිමි කරගෙන සිටින්නේ එක්දින දර්ශකයේ ශ්‍රී ලංකා පන්දු යවන්නෙකුට හිමි ඉහළම ස්ථානයයි.
මේ අතර, දකුණු අප්‍රිකාව සමඟ හෙට පැවැත්වෙන විස්සයි විස්ස ජාත්‍යන්තර තරඟය සඳහා වන ශ්‍රී ලංකා සංචිතයෙන් ජෙෆ්රි වැන්ඬේසේ සහ ෂෙහාන් මධුශංක ඉවත් කර ඇති අතර, ඒ වෙනුවට ඉසුරු උදාන සහ කසුන් රාජිත සංචිතයට එක් කරන බවයි ශ්‍රී ලංකා ක්‍රිකට් නිවේදනය කළේ.
අකිලගේ සුපිරි පන්දු යැවීම පහතින්.
rn
