දකුණු අප්‍රිකාව සමඟ පැවැත්වෙන ඉදිරි තරඟ දෙක සඳහා නවක ක්‍රීඩකයින් කිහිප දෙනෙකු බොහෝ විට කණ්ඩායමට ඇතුළත් කර ගැනීමට නියමිත බව පිතිකරණ පුහුණුකරු තිලාන් සමරවීර ප්‍රකාශ කළා.
ඔහු මේ බව කියා සිටියේ දකුණු අප්‍රිකාව ඊයේ (05) අවසන්වූ තුන්වන එක්දින තරඟයෙන් පසු පැවති මාධ්‍ය හමුවට එක්වෙමින්.
දෙරට අතර ඊයේ පැවති තුන්වන එක්දින තරඟය ලකුණු 78කින් ජයගන්නට දකුණු අප්‍රිකානු කණ්ඩායම සමත් වුණා.
මෙම ජයග්‍රහණයත් සමඟ තරඟ 05කින් සමන්විත එක්දින තරඟාවලිය තරඟ තුනට බින්දුවක් ලෙස දකුණු අප්‍රිකානු කණ්ඩායම මේ වනවිට ජය හිමිකරගෙන අවසන්.
මෙම පරාජය ඉතිහාසයට එක්වුණේ ශ්‍රී ලංකා කණ්ඩායම දකුණු අප්‍රිකාව හමුවේ නොකඩවා ලද 11 වන තරඟ පරාජය ලෙසයි.
