රුපියල් මිලියන 118 ක් පමණ වටිනා හෙරොයින් තොගයක් සමඟ ඊයේ සේරුවාවිලදී අත්අඩංගුවට ගත් සැකකරුවන් දෙදෙනා අද කොළඹ අපරාධ පරීක්ෂණ දෙපාර්තමේන්තුව වෙත රැගෙන ඒමට නියමිතයි.
අනතුරුව ඔවුන් අධිකරණයට ඉදිරිපත් කර දින 7 ක රැඳවුම් නියෝග ලබාගැනීමටයි එම දෙපාර්තමේන්තුව අපේක්ෂා කරන්නේ.
සේරුවාවිල – මාවඩිච්චේන ප්‍රදේශයේ මෝලක වී ගෝනි තුළ සඟවා තිබියදී සොයාගත් මෙම හෙරොයින් තොගය, අපරාධ පරීක්ෂණ දෙපාර්තමේන්තුව මෙතෙක් අත්අඩංගුවට ගන්නා ලද විශාලතම හෙරොයින් තොගයයි.
කිලෝ 9 යි ග්‍රෑම් 900 ක් පමණ බරැති පාර්සල් 22 ක් එහිදී සොයාගත් තර, අත්අඩංගුවට ගත් සැකකරුවන් දෙදෙනා අවුරුදු 34 සහ 41 යන වයස්වල පසුවන එම ප්‍රදේශයේම පදිංචිකරුවන්.
