දාහත්වරක් දූෂණයට ලක්වූ බාලවයස්කාර දැරියක් පිළිබඳව පුවතක් ගාල්ල ප්‍රදේශයෙන් වාර්තා වනවා.
මෙම දැරිය දූෂණය කිරීම සම්බන්ධයෙන් මේ වනවිට අධිකරණ කිහිපයකම නඩු විභාග වෙමින් පවතින බවයි වාර්තා වන්නේ.
ඒ අනුව මොරවක මහෙස්‌ත්‍රාත් අධිකරණයේ නඩු දහයක්‌, මාතර මහෙස්‌ත්‍රාත් අධිකරණයේ නඩු පහක්‌, උඩුගම මහෙස්‌ත්‍රාත් අධිකරණයේ එක් නඩුවක්‌ විභාග වෙමින් පැවතීම විශේෂත්වයක්.
කෙසේ වෙතත් දැරිය අවසන් වරට රැඳී සිටි ළමා නිවාසයෙන්ද ඇය පැනගොස් සිටියදීයි නැවත වරක් මෙලෙස දූෂණයට ලක්ව ඇත්තේ.
ළමානිවාසයෙන් පැනගිය දැරිය පැමිණ ඇත්තේ කොළඹ මෝදර ප්‍රදේශයටයි.
එහිදී තරුණයෙකු දැරිය කැඳවාගෙන ගොස් සිය නිවසේ තබාගෙන ඇයව දින කිහිපයක් තිස්සේ දූෂණය කර ඇති බවටයි තොරතුරු වාර්තා වන්නේ.
අනතුරුව වෙනත් කාන්තාවක් විසින් ඇයට රැකියාවක් ලබාදී ඇති අතර එම සේවා ස්ථානයේ සිට දැරිය සිය මවට ඒ පිළිබඳව දැනුම්දී තිබෙනවා.
ඒ අනුව දැරියගේ මව පැමිණ නැවතත් දැරිය රැගෙන ගොස් ගාල්ල පොලිසිය වෙත භාර දී ඇති බවයි වාර්තා වන්නේ.
පසුව අදාළ දැරිය අධිකරණයට ඉදිරිපත් කර ඇති අතර ඇයට සුදුසු ළමා නිවාසයක් සොයාදෙන ලෙස අධිකරණය නියෝග කර ඇත්තේ.
එතෙක් එම දැරිය ගාල්ල ප්‍රදේශයේ ළමා නිවාසයක රඳවන ලෙසද අධිකරණය නියෝග කර තිබෙනවා.
ගාල්ල පොලිසියයි වැඩිදුර විමර්ශන සිදුකරන්නේ.
