15 හැවිරිදි දැරියක් ළිඳකට වැටීමෙන් ජීවිතක්ෂයට පත්වූ පුවතක් වවුනියාව, තාලිකුලම ප්‍රදේශයෙන් වාර්තා වනවා.
ඊයේ (13) පස්වරුවේයි දැරිය මෙම අනතුරට මුහුණ පා ඇත්තේ.
දැරිය නිවසේ නොමැති බව දැනගත් නිවැසියන් ඒ පිළිබදව කළ සොයා බැලීමේදී ඇයගේ සිරුර ළිඳේ පාවෙමින් තිබියදී සොයාගෙන තිබෙනවා.
දැරිය ළිඳෙන් ගොඩගෙන රෝහල වෙත රැගෙන ගියද ඒ වන විටත් ඇය මියගොස් සිටි බවයි වෛද්‍යවරු පවසා සිටියේ.
දේහය සම්බන්ධයෙන් වන පශ්චාත් මරණ පරීක්ෂණය වවුනියාව මහ රෝහලේදී පැවැත්වීමට නියමිතව තිබුණා.
