පෑලියගොඩ ප්‍රදේශයේදී හෙරොයින් සමඟ තරුණයෙකු සහ කාන්තාවක පොලිසිය අත්අඩංගුවට ගෙන තිබෙනවා.
හෙරොයින් ග්‍රෑම් 40 යි මිලිග්‍රෑම් 350 ක් සමඟ පෑලියගොඩ – තොරණ හන්දියේදී 25 හැවිරිදි තරුණයෙකු ඊයේ අත්අඩංගුවට ගෙන ඇති අතර, ඔහුගෙන් ලද තොරතුරුවලට අනුවයි සැකකාර කාන්තාව අත්අඩංගුවට ගෙන ඇත්තේ.
පෑලියගොඩ – හින්දු කෝවිල අසලදී අත්අඩංගුවට ගත් මෙම 53 හැවිරිදි කාන්තාව සන්තකයේ තිබී හෙරොයින් ග්‍රෑම් 75 යි මිලිග්‍රෑම් 780 ක් සොයාගෙන ඇති බවයි පොලිස් මාධ්‍ය ප්‍රකාශක කාර්යාලය සඳහන් කළේ.
