අදට යෙදෙන උඳුවප් පුර පසලොස්වක පොහෝ දිනය වෙනුවෙන් හිරු ධර්ම ප්‍රදීපය වැඩසටහන සංවිධාන වන්නේ වරකාපොළ – ඓතිහාසික ලෙනගල රජමහා විහාරස්ථානය කේන්ද්‍ර කරගෙනයි.
ඒ අනුව සුවිශේෂී ආගමික වැඩසටහන් රැසක් ඔබ වෙත සමීප කිරීමට හිරු එෆ්.එම්. සූදානමින් සිටින්නේ සම්බුදු චරිතාපදානය මෙන්ම දහම් කරුණු රැසක් පිළිබඳව ශ්‍රාවක ඔබ දැනුවත් කරමින්.
උදෑසන 05.30 ට උවැසි උවැසියන් අෂ්ඨාංග ශීලයේ සමාදන් කරමින් හිරු ධර්මප්‍රදීපය ආරම්භ වුණා.
උදෑසන 07.30ට සජීවි විශේෂ ධර්ම දේශනයක් පැවැත්වෙන අතර, ධර්ම සාකච්ඡාවක් පැවැත්වෙන්නේ පෙරවරු 08.30 සිට 10.00 දක්වායි.
පෙරවරු 10.00 සිට පෙරවරු 11.00 දක්වා කාව්‍යමය ධර්ම දේශනයක් පැවැත්වෙනවා.
එමෙන්ම තවත් ධර්ම සාකච්ඡා ඇතුලු ආමිස සහ ප්‍රතිපත්ති පූජාවන් රැසක් අද හිරු ධර්මප්‍රදීපය වැඩසටහන යටතේ වරකාපොළ – ඓතිහාසික ලෙනගල රජමහා විහාරස්ථානය කේන්ද්‍ර කරගනිමින් සිදුකිරීමට නියමිතයි.
