උතුම් වූ සම්බුදු තෙමඟුල නිමිත්තෙන් හිරු එෆ්.එම්., හිරු ටී. වී. සැදැහැ සිතින් සංවිධාන කරන හිරු උත්තම ධාතු වන්දනාවට මේ වන විටත් ලක්ෂ සංඛ්‍යාත සැදැහැවතුන් අනුරාධපුර ඓතිහාසික ජේතවනාරාම පූජා භූමියට පැමිණෙමින් සිටිනවා.
අද (01) දිනයේ කපිලවස්තුපුර ශ්‍රී නිසැක සර්වඥ ධාතූන් වහන්සේ වෙනුවෙන් අෂ්ඨ පරිකාර්යෙන් යුත් දහවල් සම්බුද්ධ පූජාව පවත්වනු ලැබුවේ අප අමා මෑණි බුදුරජාණන් වහන්සේට බුද්ධ පූජාවක් පවත්වන ආකාරයෙන්මයි.
අනතුරුව නැවතත් කපිලවස්තුපුර නිසැක ශ්‍රී සර්වඥ ධාතු ප්‍රදර්ශනය සැදැහැවතුන්ට වන්දනාමාන කිරීමට අවස්ථාව හිමි වුණා.
කපිලවස්තුපුර නිසැක ශ්‍රී සර්වඥ ධාතූන් වහන්සේ වැඳ පුදාගැනීමේ අටියෙන් ලක්ෂ සංඛ්‍යාත සැදැහැවතුන් මේ මොහොත වනවිටත් ජේතවනාරාම පුණ්‍ය භූමිය වෙත පැමිණෙමින් සිටිනවා.
සර්වඥ ධාතූන් වහන්සේ වැද පුදා ගැනීමේ අරමුණින් පැමිණෙන සැදැහැවතුන්ට අවශ්‍ය සියලු පහසුකම් සපයා දීමට ආසියානු මාධ්‍ය ජාලය කටයුතු යොදා තිබෙනවා.
