පලාලි සිට රත්මලාන දක්වා පියාසර කරමින් තිබූ ඇන්ටනෝව් 32 වර්ගයේ ගුවන් යානයකට මිසයිල ප්‍රහාරයක් එල්ල කර ආරක්ෂක අංශ සාමාජිකයින් 37 දෙනෙකු මරණයට පත් කිරීමේ සිද්ධියට චෝදනා එල්ල වූ හිටපු එල්.ටී.ටී.ඊ. සාමාජිකයින් දෙදෙනෙකුට වසර 185 බැගින් බරපතල වැඩ සහිත සිරදඬුවම් නියම කර තිබෙනවා.
ඒ, ඊට අදාළ නඩුව අද උතුරු මැද පළාත්බද මහාධිකරණ විනිසුරු මහේෂ් වීරමන් හමුවේ කැඳවූ අවස්ථාවේදීයි.
එහිදී විත්තිකරුවන්ට වෙන් වෙන්ව නියම කෙරුණු දඬුවම් කාලය වසර 05 කින් එකවර ගෙවී යන ලෙසට ක්‍රියාත්මක කරන ලෙසටද මහේස්ත්‍රාත්වරයා නියෝග කර තිබෙනවා.
2000 වසරේ මාර්තු මස 30 වැනිදා පලාලි සිට රත්මලාන දක්වා පියාසර කරමින් තිබූ ඇන්ටනෝව් 32 ගුවන් යානයට මෙම මිසයිල ප්‍රහාරය එල්ල කර තිබුණේ විල්පත්තු ජාතික වනෝද්‍යානයේ සිටයි.
