හිටපු ආරක්ෂක ලේකම් ගෝඨාභය රාජපක්ෂ ඉදිරි ජනාධිපතිවරණය සදහා ඉදිරිපත් කරන බවක්, තමා ඉන්දියාවේදී ප්‍රකාශ නොකළ බව හිටපු ජනාධිපති මහින්ද රාජපක්ෂ පවසනවා.
අනුරාධපුර – කැබිතිගොල්ලෑව ප්‍රදේශයේ විහාරස්ථානයක අද පැවති වැඩසටහනකට එක්වීමෙන් අනතුරුව මාධ්‍යවේදීන් කළ ප්‍රශ්න කිරීම් වලට පිළිතුරු ලබාදෙමින් ඔහු මේ බව කියා සිටියා.
එසේම, නියෝජ්‍ය පොලිස්පති නාලක ද සිල්වාට එරෙහි චෝදනා සම්බන්ධයෙන් ද හිටපු ජනාධිපතිවරයා අදහස් පළ කළා.
නියෝජ්‍ය පොලිස්පති නාලක ද සිල්වා සිදුකළ ප්‍රකාශය බරපතල ප්‍රකාශයක් බවත් ඒ පිලිබදව වහාම පරීක්ෂණයක් පැවැත්විය යුතු බවත් හිටපු ජනාධිපතිවරයා සදහන් කළා.
