දැනට රක්ෂිත බන්ධනාගාර ගත කර සිටින පාර්ලිමේන්තු මන්ත්‍රී ජොන්ස්ටන් ප්‍රනාන්දු තමන්ට ඇප ලබා දෙන ලෙස ඉල්ලා අභියාචනාධිකරණයට ගොනු කර තිබූ පෙත්සම අද ප්‍රතික්ෂේප කෙරුණා.
ඒ, මෙම පෙත්සම අභියාචනාධිකරණ විනිසුරුවරුන් වන අචල වෙන්ගප්පුලි සහ ජනක් ද සිල්වා හමුවේ කැදවූ අවස්ථාවේදීයි.
එහිදී විනිසුරු මඩුල්ල කියා සිටියේ කුරුණෑගල මහාධිකරණයෙන් ලබාදුන් තීන්දුව නීත්‍යානුකූල බවයි.
සතොස ආයතනයේ මුදල් අවභාවිතාවක් සම්බන්ධයෙන් මොහුට විරුද්ධව කුරුණෑගල මහාධිකරණයේ නඩුවක් පවතින අතර, එම නඩුව නිමවනතුරු සැකකාර ජොන්ස්ටන් ප්‍රනාන්දු මන්ත්‍රීවරයා රක්ෂිත බන්ධනාගාර ගත කිරීමටයි මහාධිකරණ විනිසුරුවරිය නියෝග කළේ.
