මාතලේ නගරයේ සහ ඒ අවට ප්‍රදේශවල යතුරුපැදිවලින් ගොස් රන් මාල කොල්ලකන කල්ලියක තිදෙනෙක් යතුරුපැදියක් සමඟ මාතලේ පොලිසිය මඟින් අත්අඩංගුවට ගෙන තිබෙනවා.
මාතලේ පොලිසිය පවසන්නේ අඹුසැමි යුවලක් සහ තවත් එක් පුද්ගලයෙක් මෙලෙස අත්අඩංගුවට ගත් බවයි.
මාතලේ, ඇල්වල සහ කළල්පිටිය යන ප්‍රදේශවලදී යතුරුපැදියකින් පැමිණ මාර්ගයේ ගමන් ගන්නා කාන්තාවන්ගේ ගෙළ බැඳි රන්මාල කොල්ලකන බවට ලද පැමිණිල්ලකට අනුව සිදුකරන ලද විමර්ෂණ වලදී මොවුන් අත්අඩංගුවට ගැනීමට සමත් ඇති බවයි වාර්තා වන්නේ.
කොල්ලකන ලද රන්මාල කොල්ලකෑම් සිදුකරන පුද්ගලයෙකුගේ බිරිඳගේ මාර්ගයෙන් මහනුවර පෞද්ගලික බැංකුවක් වෙත උකස්කර මුදල් ලබාගෙන ඇතැයි සිදුකරන ලද මුලික පරික්ෂණයන්ගෙන් අනවරණය කරගෙන තිබෙනවා.
අත්අඩංගුවටපත් සැකකරුවන් සහ නඩු භාණ්ඩ මාතලේ අධිකරණයට ඉදිරිපත් කිරිමට නියමිතව ඇති අතර වැඩිදුර පරික්ෂණ මාතලේ පොලිසිය මඟින් සිදුකරනු ලබනවා.
