ලෝක ක්‍රිකට් කණ්ඩායම සහ බරහිර ඉන්දීයය කොදෙව් කණ්ඩායම අතර පැවැත්වෙන පන්දුවාර 20 තරඟයට එක්වන කොදෙව් සංචිතය නම් කර තිබෙනවා.
ලබන මැයි මස 31 වනදා පැවැත්වෙන මෙම තරඟයට ක්‍රීඩකයින් 13 දෙනෙක් ඇතුළත්.
කාලෝස් බ්‍රාත්වේට් මෙම තරඟයේදී කොදෙව් කණ්ඩායම මෙහෙයවන අතර ක්‍රිස් ගේල්, අන්ඩි‍්‍ර රසෙල්, සැමුවෙල් බද්‍රි, මාලන් සැමුවෙල් මෙම විස්සයි විස්ස තරඟයේදී කොදෙව් කණ්ඩායමට එක්කර තිබෙනවා.
එංගලන්තයේ ලෝර්ඩ්ස් ක්‍රීඩාංගනයේදී පැවැත්වෙන මෙම තරඟයේදී ලෝක කණ්ඩායම මෙහෙයවන්නේ එංගලන්ත ක්‍රීඩක ඔවින් මෝර්ගන් විසින්.
මේ අතර මෙම සුවිශේෂී තරඟය වෙනුවෙන් ලෝක කණ්ඩායමට ක්‍රීඩාකරන ක්‍රීඩකයින් කිහිපදෙනෙකු අයි.සී.සීය විසින් නම්කර තිබෙනවා.
පකිස්ථාන ක්‍රීඩකයින් වන ෂොයිබ් මලික්, ෂහිඩ් අෆ්රිඩි, බංග්ලාදේශ ක්‍රීඩකයින් වන ෂකීබ් අල් හසන්, තමිම් ඉක්බාල්, ඇෆ්ගනිස්ථාන දඟ පන්දු යවන ක්‍රීඩක රෂීඩ් ඛාන් සහ ශ්‍රී ලංකා කණ්ඩායමේ තුන් ඉරියව් ක්‍රීඩක තිසර පෙර්රා එම ක්‍රීඩකයින්.
බටහිර ඉන්දීය දූපත් සමුහයට පසුගියදා බලපෑ සුළි කුණාටු වලින් හානියටපත් ක්‍රිකට් ක්‍රීඩාංගන අලුත්වැඩියා කිරීමට ආධාර රැස් කිරීමේ අරමුණින් මෙම සුවිශේෂී තරඟය පැවැත්වෙනවා.
මෙම තරඟයට එක්වන කොදෙව් සංචිතය පහතින්.
සැමුවෙල් බද්‍රි, කාලෝස් බ්‍රාත්වේට් (නායක), රෙයිඩ් එම්රට්, අන්ඩි‍්‍ර ෆ්ලෙචර්, ක්‍රිස් ගේල්, ඉවන් ලුවිස්, ඈෂ්ලි නර්ස්, කීමෝ පෝල්, රෝව්මන් පවෙල්, දිනේෂ් රාම්දීන්, අන්ඩි‍්‍ර රසෙල්, මාලන් සැමුවෙල්, කේස්රික් විලියම්ස්
