එක්සත් අරාබි එමීර් රාජ්‍ය කණ්ඩායම අතර පැවති හතරවන සහ අවසන් එක්දින තරගයද කඩුලූ 3 කින් ජයගත් සිම්බාබ්වේ කණ්ඩායම හතරට බින්දුවක් ලෙස පූර්ණ තරගාවලි ජයක් ලැබීමට ඊයේ සමත්වුණා.
හරාරේ නුවර පැවති තරගයේ පළමුව පන්දුවට පහරදුන් එක්සත් අරාබි එමීර් රාජ්‍ය කණ්ඩායම පන්දු වාර 47 යි පන්දුවකදී සියලූදෙනා දැවී ලකුණු 175 ක් රැස් කළා.
අයහපත් කාලගුණයෙන් තරගයට බාධා මතුවීම නිසා ඩක්වර්ත් ලූවිස් න්‍යායට අනුව සිම්බාබ්වේ කණ්ඩායමට පන්දු වාර 30 කදී ලකුණු 128 ක ඉලක්කයක් හිමිවූ අතර, පන්දු වාර 24 යි පන්දු 5 කදී කඩුලූ 7 ක් දැවී එම ඉලක්කය පසුකර යාමට ඔවුන් සමත්වුණා.
