දිවයිනට පැමිණි සංචාරකයින්ගේ සංඛ්‍යාව පසුගිය අගෝස්තු මාසයේදී දෙලක්ෂ තුන්සිය පනස් නවයක් ලෙස සියයට 5 කින් වර්ධනය වී තිබෙනවා.
එහිදී වැඩිම සංචාරක පිරිසක් ඉන්දියාවෙන් පැමිණ ඇති අතර, චීනය සහ එක්සත් රාජධානිය දෙවන සහ තුන්වන ස්ථානවල පසුවනවා.
අගෝස්තු 31 වනදා දක්වා වසරේ මුල් මාස 8 සැලකූ විට ශ්‍රී ලංකාවට සංචාරකයන් පහලොස් ලක්ෂ 82,835 ක් පැමිණ ඇති අතර, එය පෙර වසරේ එම කාලයට සාපේක්ෂව සියයට 12 යි දශම 5 ක වර්ධනයක්.
ඉන් වැඩිම පිරිසක් එනම් සියයට 47 ක් ආසියා පැසිෆික් කලාපයෙන් ද, සියයට 41 ක් යුරෝපයෙන් ද පැමිණ ඇති බවයි සංචාරක සංවර්ධන අධිකාරිය ප්‍රකාශ කළේ.
