සිය දියණියට සිදුකළ ශල්‍යකර්මයකින් පසු බිල ගෙවා ගත නොහැකිව, ඉන්දියාවේ චෙන්නායි නුවර පිහිටි පෞද්ගලික රෝහලක රැඳී සිටින ශ්‍රී ලාංකික මවක් පිළිබදව තොරතුරු හිරු ප්‍රවෘත්ති අංශයට වාර්තා වුණා.
ශල්‍යකර්මය සිදුකිරීමට පෙර ඒ සඳහා ඇස්තමේන්තු කළ මුදල ඉන්දීය රුපියල් හත්ලක්ෂ පනස් දහසක් බව රෝහල් බලධාරීන් පැවසුවත්, සැත්කමින් පසුව ඔවුන් ඒ සඳහා නිකුත් කර තිබූ බිල්පතෙහි වටිනාකම ඉන්දීය රුපියල් නව ලක්ෂයක් බවයි එම මව චෙන්නායි නුවර සිට හිරු ප්‍රවෘත්ති අංශය අමතමින් ප්‍රකාශ කළේ.
අනුරාධපුර – පරසන්ගස්වැව ප්‍රදේශයේ පදිංචි 45 හැවිරිදි මෙම මව, තම 15 හැවිරිදි දියණියගේ කොඳු ඇට පෙළ සම්බන්ධ ශල්‍යකර්මයක් සඳහායි මෙලෙස ඉන්දියාවේ චෙන්නායි නුවර පෞද්ගලික රෝහලකට ඇතුළත් වී ඇත්තේ.
