ශ්‍රී ලංකා කණ්ඩායමේ දඟ පන්දු යවක ක්‍රීඩක අකිල ධනංජයට ආසියානු කුසලාන තරඟාවලියේ පළමු අදියර අහිමිව යන බවට වාර්තා වනවා.
සිය පෞද්ගලික හේතුවක් මත ආසියානු කුසලානයේ පළමු අදියරෙන් ඔහුට ඉවත්වීමට සිදුවනු ඇති බවයි ක්‍රිකට් ආරංචි මාර්ග පවසන්නේ.
මේ අතර ආසියානු තරඟාවලියට දිනේෂ් චන්දිමාගේ සහභාගීත්වය ද අවිනිශ්චිත බවට තොරතුරු වාර්තා වනවා.
මේ අතර මෙම තරඟාවලියට එක්වන ශ්‍රී ලංකා සංචිතයට පසු ගියදා ප්‍රසිද්ධියට පත්කරනු ලැබුවා.
ඇන්ජෙලෝ මැතිව්ස් ( නායක), කුසල් ජනිත් පෙරේරා, කුසල් මෙන්ඩිස්, උපුල් තරංග, දිනේෂ් චන්දිමාල්, ධනුෂ්ක ගුණතිලක, තිසර පෙරේරා, දසුන් ශානක, ධනංජය ද සිල්වා, අකිල ධනංජය, දිල්රුවන් පෙරේරා, අමිල අපොන්සු, කසුන් රාජිත, සුරංග ලක්මාල්, දුෂ්මන්ත චමීර සහ ලසිත් මාලිංග සංචිතයට අතුළත්.
අතිරේක ක්‍රීඩකයන් ලෙසට ශෙහාන් මදුෂංක, නුවන් ප්‍රදීප්, ලක්ෂාන් සඳකැන්, ශෙහාන් ජයසුරිය සහ නිරෝෂන් දික්වැල්ල නම්කර තිබෙනවා.
