හෙරොයින්, කේරළ ගංජා සහ තීරු බදු නොගෙවා මෙරටට ආනයනය කළ දුම්වැටි සමග ශ්‍රී පාද වන්දනාවේ පැමිණි තරුණයන් 36 දෙනෙකු පොලිස් අත්අඩංගුවට ගෙන තිබෙනවා.
වටවල දියගල මාර්ග බාධකයේදී හැටන් පොලිස් කොට්ඨාශයේ කෝරා සුනඛයාගේ සහය සහිතව වැටලීම් සිදුකළ බවයි අප වාර්තාකරු කියාසිටියේ.
අත්අඩංගුවට පත් සැකකරුවන් කෑගල්ල, මාතලේ, ගාල්ල, මාතර, කලුතර, පානදුර සහ අවිස්සාවේල්ල ප්‍රදේශවල පදිංචි අවුරුදු 18 සහ 30 අතර වයස්වල පසුවන අය බව සඳහන්.
ඔවුන් හැටන් මහේස්ත්‍රාත් අධිකරණයට ඉදිරිපත් කිරීමට නියමිතයි.
මෙවර යෙදී තිබූ සති අන්ත දීර්ඝ නිවාඩුව හේතුවෙන් ඊයේ දිනයේ විශාල පිරිසක් ශ්‍රී පාද වන්දනාවේ පැමිණි බවයි අප වාර්තාකරු සඳහන් කළේ.
මේ අතර ශ්‍රී පාද වන්දනා වාරය ආරම්භ වී ගතවූ මාස 3 ක කාලය තුල මත්ද්‍රව්‍ය රැගෙන ශ්‍රී පාද වන්දනාවේ පැමිණි පුද්ගලයන් 600 කට වැඩි පිරිසක් අත්ඩංගුවට ගෙන තිබෙනවා.
ඡායාරූප – හැටන් රංජිත් රාජපක්ෂ
