වෛද්‍යවරයෙකු මෙන් ව්‍යාජ ලෙස පෙනී සිටිමින් බැංකු ගිණුම් ආරම්භ කර ණය මුදල් ලබාගත් පුද්ගලයෙකු අපරාධ පරීක්ෂණ දෙපාර්තමේන්තුව අත්අඩංගුවට ගෙන තිබෙනවා.
පොලිස් මාධ්‍ය ප්‍රකාශක කාර්යාලය සඳහන් කළේ සැකකරු ගම්පහ – උඩුගම්පොල ප්‍රේදශයේදී අත්අඩංගුවට ගෙන ඇති බවයි.
ඔහු එක්කෝටි අසූ එක් ලක්ෂයක මුදලක් මෙලෙස වංචා කර ඇති බවට මූලික පරීක්ෂණවලදී හෙළිව තිබෙනවා. 56 හැවිරිදි සැකකරු ගම්පහ – බැන්ඩියමුල්ල ප්‍රදේශයේ පදිංචිකරුවෙක්.
සැකකරු අත්අඩංගුවට ගන්නා අවස්ථාවේදී ඔහු ළඟ තිබී විවිධ නම් සඳහන් ව්‍යාජ හැඳුනුම්පත් 4 ක්, රියදුරු බලපත්‍ර 2 ක් සහ විදේශ ගමන් බලපත්‍ර 11 ක්ද අපරාධ පරීක්ෂණ දෙපාර්තමේන්තුව භාරයට ගෙන තිබෙනවා.
