බදුල්ල – රත්නපුර ප්‍රධාන මාර්ගයේ පැල්මඩුල්ල ප්‍රදේශයේදී බස් රථ දෙකක් මුහුණට මුහුණ ගැටීමෙන් ඊයේ (03) අනතුරක් සිදුව තිබෙනවා.
පුද්ගලික බස් රථයක් සහ සබරගමුව විශ්ව විද්‍යාලයේ සිසුන් පිරිසක් ගමන් ගත් බස් රථයක් මෙලෙස අනතුරට ලක්ව ඇති බවයි අප වාර්තාකරු පැවසුවේ.
රත්නපුර දෙසට ධාවනය වූ ත්‍රිරෝද රථයක් පුද්ගලික බස් රථය ඉස්සර කිරීමට යාමේදී එය ඉදිරියෙන් පැමිණි සිසුන් පිරිස ගමන් ගත් බස්රථයේ ගැටීමෙන් සිදුවන්නට ගිය අනතුරක් වළක්වා ගැනීමට යාමේදී මෙම අනතුර සිදුව තිබෙනවා.
ඊයේ (03) පෙරවරුවේ සිදුවූ මෙම අනතුරෙන් තුවාල ලැබූ විශ්ව විද්‍යාලයේ සිසුන් 15 දෙනෙකු පමණ පැල්මඩුල්ල රෝහලට ඇතුලත් කිරීමෙන් අනතුරුව ප්‍රතිකාර ලබා පිටව ගොස් ඇති බවයි වාර්තා වන්නේ.
