අග්‍රාමාත්‍යවරයාට එරෙහිව ගෙන එනු ලබන විශ්වාසභංගයට තමන් ඇතුළු ඒකාබද්ධ නායකයින් සියලූදෙනා අත්සන් තැබීමට තීන්දු කළ බව හිටපු ජනාධිපති මහින්ද රාජපක්ෂ ප්‍රකාශ කළා.
පාර්ලිමේන්තු මන්ත්‍රී බන්දුල ගුණවර්ධනයන්ට චීනයේ – බීජිං විදේශ අධ්‍යයන විද්‍යාලයක් විසින් පිරිනමනු ලැබූ ආචාර්ය උපාධි පිරිනැමීමේ උත්සවයට එක්වීමෙන් අනතුරුව ඊයේ මාධ්‍ය වෙත අදහස් දක්වමින් හිටපු ජනාධිපතිවරයා මේ බව කියා සිටියා.
‘‘ ප්‍රශ්නය- මේ වෙද්දී විශ්වාසභංගයට අත්සන් කරලා තිබෙනවා. කොහොමද ඔබතුමාලා මේක ජයග්‍රහණය කරන්නේ ?
පිළිතුර- ඉන්නකෝ බලාගෙන ජයග්‍රහණය කරන හැටි.
ප්‍රශ්නය- ඔබතුමත් මේ සඳහා අත්සන් කරනවාද?
පිළිතුර- ඔව් ඉතිං ඒවා තීන්දු කරන්න ඕනෙනේ. අපි තීන්දු කරලා තියෙන්නේ ඒවා.
ප්‍රශ්නය- ඒකියන්නේ ඔබතුමා මේකට අත්සන් කරනවා?
පිළිතුර- හැමෝම අත්සන් කරනවා නායකයින්. කිසිගැටලුවක් නැතුව කරනවා’’
උත්සවයට එක්වූ හිටපු ආරක්ෂක ලේකම් ගෝඨාභය රාජපක්ෂ මෙහිදී අදහස් පළ කළා.
‘‘ප්‍රශ්නය – ඔබතුමා ඉදිරියේදී නායකත්වයක් ගන්න සූදානමින් ඉන්නවා. ඒ කියන්නේ දේශපාලනයට එන්න සූදානමක් තිබෙනවාද?
පිළිතුර – සූදානමක් කියලා එකක් නැහැ. ඒක ඒ අවස්ථාව වුණාම බලන්න ඕනේ.
ප්‍රශ්නය- කලින්නම් කැමැත්තක් තිබුණේ නැහැ. දැන්නම් කැමතියි වගෙයි?
පිළිතුර- නැහැ එහෙම. මට ඊට වඩා කැමතියි යම් කිසි ආකාරයක ඕනෑම ආකාරයකින් අපිට රටට සේවය කරන්න පුළුවන්නේ. ඒක එහෙම කරන්න. ඒක දේශපාලනයට ඇවිල්ලාද නැතුවද පළමුවෙනියාද දෙවැනියාද තුන්වැනියාද කියන ප්‍රශ්නයක් නැහැ. ඒ කාරණය කරන්නට ඕනේ’’
