විදේශීය රටක නිෂ්පාදිත ගිනි අවියක් සමඟ පුද්ගලයෙකු වැලිගම, මිරිස්ස ප්‍රදේශයේදී අද (23) අත්අඩංගුවට ගෙන තිබෙනවා.
තම සන්තකයේ තිබූ ගිනි අවියක් පෙන්වා වෙඩි තබන බවට මිරිස්ස ප්‍රදේශයේ ජීවත්වන විශ්‍රාමලත් පොලිස් නිලධාරියෙකුට තර්ජනය කළ බවට වැලිගම පොලිසිය වෙත කළ පැමිණිල්ලකට අනුවයි අදාල සැකකරු අත්අඩංගුවට ගෙන ඇත්තේ.
මෙලෙස අත්අඩංගුවට ගෙන ඇති පුද්ගලයා 38 හැවිරිදි වියේ පසුවන ව්‍යාපාරිකයෙකු බව සඳහන්.
සැකකරු මාතර මහේස්ත්‍රාත් අධිකරණයට ඉදිරිපත් කිරීමට නියමිත බවයි අප වාර්තාකරු සඳහන් කළේ.
ඡායාරූප – වැලිගම, තරංග ගුණරත්න
