වැල්ලවාය – කුරුමිණියාගල කඳු රක්ෂිතයේ ඊයේ (28) පස්වරුවේ සිට හටගත් ගින්න හේතුවෙන් මේ වනවිට අක්කර 400ක පමණ භූමි ප්‍රමාණයක් විනාශ වී ඇති බව වාර්තා වනවා.
ගින්න මේ වනවිටත් පැතිරෙමින් පවතින අතර එය මැඩපැවැත්වීම සඳහා අවශ්‍ය ක්‍රියාමාර්ග ගනිමින් සිටින බවයි ආපදා කළමණාකරණ මධ්‍යස්ථානය සඳහන් කළේ.
මෙම රක්ෂිතය තුළ දේශීය ඖෂධ පැලෑටි වන අරළු, බුළු, නෙල්ලි, පාවට්ටා සහ එරමුසු ඇතුළු ශාක රැසක් පවතින අතර ශ්‍රී ලංකාවට ආවේනික වන සතුන්, කෘමීන් සහ පක්ෂීන් රැසක් ද ජීවත් වන බවයි ප්‍රදේශවාසීන් කියා සිටියේ.
(ඡායාරූප – වැල්ලවාය යු.පි.එස් බණ්ඩාර )
