වස්ගමුව රක්ෂිතයේ සුදුකන්ද ප්‍රදේශයේ අක්කර එක හමාරක පමණ භූමියක වගාකර තිබූ ගංජා හේනක් වස්ගමුව වනජීවී නිලධාරින් විසින් ඊයේ (29) වටලා තිබෙනවා.
මෙම වැටලීම වනජීවී නිලධාරීන් සිදුකර ඇත්තේ බුද්ධි අංශ තොරතුරකට අනුවයි.
වැටලීම සිදුකරන ලද ගංජා හේන තුල ගංජා පැල 3200කට අධික ප්‍රමාණයක් තිබු බවයි වනජීවී නිලධාරීන් පැවසුවේ.
එහි වටිනාකම ලක්ෂ 40ක් පමණ වන බවයි ඔවුන් වැඩිදුරටත් සදහන් කළේ.
ගංජා පැල සියල්ල වනජීවී නිලධාරින් විසින් විනාශ කිරීමට කටයුතු කර තිබෙනවා.
