පේරාදෙණිය ඊරියගම ප්‍රදේශයේදී කොන්ක්‍රීට් කණු ප්‍රවාහනය කරමින් තිබු ලොරි රථයක මාර්ගය හරහා පෙරලීගොස් තවත් වාහන 3ක ගැටී අනතුරක් සිදූව තිබෙනවා.
අද (23) උදෑසන 8.30ට පමණ සිදුවූ අනතුරින් 6දෙනෙකු තුවාල ලබා මහනුවර මහ රෝහලට ඇතුලත් කළ බවයි අප වාර්තාකරු පැවසුවේ.
තුවාලකරුවන්ගෙන් දෙදෙනෙකුගේ තත්ත්වය බරපතල බවයි වාර්තා වන්නේ.
ලොරි රථයේ රියදුරුට සිය රථයේ වේගය පාලනය කරගැනීමට නොහැකිව මේ අනතුර සිදුව ඇති බවයි මුලික පොලිස් පරීක්ෂණ වලදී අනාවරණය වී ඇත්තේ.
අනතුර සම්බන්ධයෙන් පේරාදෙණිය පොලිසිය වැඩිදුර විමර්ශන සිදුකරනවා.
