තායිලන්තයේ චියංරායි ප්‍රාන්තයේ තාම් ලූවන් ලෙන් සංකීර්ණයේ සිරවී සිටින යොවුන් පාපන්දු කණ්ඩායමේ ළමයින් 12 දෙනා සහ ඔවුන්ගේ පුහුණුකරු බේරාගැනීමේ මෙහෙයුම මේ වනවිට ආරම්භ වී ඇති බව තායි බලධාරීන් ප්‍රකාශ කළා.
පසුගිය ජූලි 23 වනදා සිට ඔවුන් ජලය පිරුණු ලෙනෙහි සිරවී සිටින අතර, කඩිනම් මුදාගැනීමේ මෙහෙයුම ආරම්භ වූයේ මෝසම් වැසි ඇතිවීමේ අවදානමත් සමඟයි.
තායිලන්ත වේලාවෙන් අද පෙරවරු 10 ට මෙහෙයුම ආරම්භ වී ඇති අතර, ඒ සඳහා විදේශීය කිමිදුම්කරුවන්, තායි නාවික හමුදා සීල් භටයන් ඇතුලූ පිරිසක් එක්ව සිටින බව සඳහන්.
කෙසේ නමුත් පළමු ළමයා ලෙන තුළින් පිටතට පිවිසීම තායිලන්ත වේලාවෙන් අද රාත්‍රී 9ට පමණ සිදුවනු ඇති බව අපේක්ෂා කෙරෙනවා.
ජලය පිරුණු ලෙනෙන් ළමයින් පිටතට පිවිසෙන ආකාරය තායි බලධාරීන් මෙතෙක් ප්‍රකාශ කර නැහැ.
