සුපිරි ක්‍රීඩක ලසිත් මාලිංග යළිත් කණ්ඩායමට එක්කර ගැනීමේ සම්භාවිතාවක් පවතින බව ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු චන්දික හතුරුසිංහ පවසනවා.
මෑත කාලිනව පැවති තරගාවලිවලට ලසිත් මාලිංග සහභාගී කර නොගැනීම සහ ලෝක කුසලාන තරගාවලියට ක්‍රීඩා කිරීම පිළිබඳ අද පැවති මාධ්‍ය හමුවකදී මාධ්‍යවේදීන් කළ ප්‍රශ්ණ කිරීම්වලට පිළිතුරු දෙමිනුයි ඔහු මේ බව කියාසිටියේ.
දේශීය තරගාවලිවලට ක්‍රීඩා කිරීමේදී දක්වන දක්ෂතා අනුව තේරීම් කමිටුව සෙසු ක්‍රීඩකයන්ට මෙන් ලසිත් මාලිංග ද ශ්‍රී ලංකා සංචිතයට එක්කර ගැනීම පිළිබඳ සලකා බලනු ඇතැයි හතුරුසිංහ ප්‍රකාශ කළා.
මේ අතර ලසිත් මාලිංග පිලිබඳ මෙම මාධ්‍ය හමුවේදී තවදුරටත් අදහස් පළවුණා.
