ලක්ෂ 78 ක් වටිනා හෂිස් මත්ද්‍රව්‍ය තොගයක් සමඟ සැකකරුවන් තුන්දෙනෙකු පොලීසිය මීගමුව – කොච්චිකඬේ ප්‍රදේශයේ ඊයේ පස්වරුවේ සිදුකළ වැටලීමකදී අත්අඩංගුවට ගෙන තිබෙනවා.
පෑලියගොඩ උතුර දිසා අපරාධ කොට්ඨාශය මගින් මෙහිදී සොයාගත් ග්‍රෑම් 600 ක් වන මෙම හෂිස් ඉතාලියේ සිට ගුවන් තැපැල් මගින් විදුලි උපකරණවල සඟවා මෙරටට රැගෙනවිත් ඇති බවයි මූලික පරීක්ෂණවලදී අනාවරණ වී ඇත්තේ.
සැකකරුවන් මිනුවන්ගොඩ, හොරණ සහ මූණමල්දෙණිය ප්‍රදේශයේ පදිංචිකරුවන්. ඔවුන් ළඟ තිබී මත්ද්‍රව්‍ය සඟවා එවන ලද රූපවාහිනිි යන්ත්‍රයක්, විදුලි උඳුන් දෙකක් සහ ජංගම දුරකථන 5 ක් ද සොයාගෙන ඇති බවයි පොලීසිය කියා සිටියේ.
