දෙහිවල, ඇන්ඩර්සන් පාර ප්‍රදේශයේ නිවසකින් ලක්ෂ 38කට අධික මුදලක් සොරකම් කළ සැකකරුවෝ තුන්දෙනෙක් පොලිසිය අත්අඩංගුවට ගෙන තිබෙනවා.
ඊයේ (20) සවස මෙම අත්අඩංගුවට ගැනීම සිදුකළ බවයි පොලිසිය පැවසුවේ.
සැකකරුවන් ලඟ තිබී ලක්ෂ 14ක මුදලක් පොලිසිය සොයාගෙන ඇති අතර ඔවුන් වයස අවුරුදු 19 ත් 20ත් අතර වයසේ පසුවන බවයි පොලිසිය කියා සිටියේ.
සොරකම් කරන ලද මුදලින් ඔවුන් මෝටර් රථයක්ද මිලදීගෙන ඇති අතර එම මෝටර් රථයද පොලිසිය අත්අඩංගුවට ගෙන තිබෙනවා.
මෙම සොරකම සිදුව ඇත්තේ මිට සතියකට පමණ පෙර බවයි අප වාර්තාකරු කියා සිටියේ.
තවත් එක් සැකකරුවෙකු සොයා පොලිසිය විමර්ශනයක් ආරම්භ කර තිබෙනවා.
සිද්ධිය සම්බන්ධයෙන් දෙහිවල පොලිසිය වැඩිදුර විමර්ශන සිදුකරනවා.
