වැල්ලවාය හම්බේගමුව ප්‍රදේශයේදී අද(07) සිදු වූ රිය අනතුරකින් කාන්තාවක ජිවිතක්ෂයට පත්ව තිබෙනවා.
මෙලෙස මිය ගොස් ඇත්තේ හම්බේගමුව අරඹේකෙම ප්‍රදේශයේ පදිංචි 70 හැවිරිදි කාන්තාවක්.
ඇය පාර මාරුවීමට යෑමේදී හම්බේගමුව සිට කොළඹ බලා ධාවනය වූ ලංගම බස්රථයක ගැටීමෙන් මෙම අනතුර සිදුව ඇති බවයි පොලිසිය පැවසුවේ.
බස් රථය අධික වේගයෙන් ධාවනය කර ඇතිබව මුලික පොලිස් පරීක්ෂණ වලදී අනාවරණය වී තිබෙනවා.
මෙම අනතුරට සැකපිට බස් රථයේ රියදුරු අත්අඩංගුවට ගෙන ඇති අතර අනතුර සම්බන්ධයෙන් හම්බේගමුව පොලිසිය වැඩිදුර විමර්ශන සිදුකරනවා.
