අභාවප්‍රාප්ත ජනප්‍රිය ගායන සහ රංගන ශිල්පී රොනී ලීච්ගේ දේහය දිවයිනට ගෙන්වා ගැනීමට අදාළ කටයුතු මේ වන විට ආරම්භ කර ඇති බව පවුලේ ඥාතීන් ප්‍රකාශ කළා.
ඕස්ට්‍රේලියාවේ පර්ත් නුවරදී හදිසියේ ඇතිවූ හෘදයාබාධයක් හේතුවෙන් ඔහු අද අලූයම මියයනවිට 65 වන වියේ පසුවුණා.
ඔහු ඕස්ට්‍රේලියාවේ පර්ත් නගරයේදී පසුගිය සෙනසුරාදා ප්‍රසංගයකට සහභාගිවී ඇති අතර, අද පස්වරුවේ යළි දිවයිනට පැමිණීමට සූදානම්ව සිටි බව සඳහන්.
ඒ අතරතුර ඇතිවූ හදිසි හෘදයාබාධයකින් ඔහු මියගොස් ඇති බවයි ඔහුගේ පුත්‍රයා වන කේශක ලීච් කියා සිටියේ.
