මිනුවන්ගොඩ නිට්ටඹුව ප්‍රධාන මාර්ගයේ දෙවලපොල ප්‍රදේශයේදී සිදුවූ රිය අනතුරකින් පුද්ගලයන් දෙදෙනෙකු මියගොස් තිබෙනවා.
සවස 6 ට පමණ අනතුර සිදුව ඇති බවයි අප වාර්තාකරු සඳහන් කළේ.
මාර්ගය හරහා පෙරලී ගිය ත්‍රී රෝද රථයක් බසයක ගැටීමෙන් අනතුර සිදුව ඇතැයි සඳහන්.
ත්‍රී රෝද රථයේ රියදුරා ද තුවාල ලබා මිනුවන්ගොඩ දිසා රෝහලේ ප්‍රතිකාර ලබනවා.
අනතුරින් මරණයට පත්වී ඇත්තේ මිනුවන්ගොඩ ප්‍රදේශයේ පදිංචි වයස අවුරුදු 47 ක් සහ 58 ක් වන දෙදෙනෙක්.
අනතුර සම්බන්ධයෙන් බස් රථයේ රියදුරා පොලිස් අත්අඩංගුවට ගෙන තිබෙනවා. 
ඡායාරූප – මිනුවන්ගොඩ ටෝනි කරුණානායක
