රත්නපුර – පානදුර ප්‍රධාන මාර්ගයේ නම්බපාන ප්‍රදේශයෙන් රථ වාහන ගමනාගමනය සීමා කෙරෙන බව පොලීසිය පවසනවා.
එම මාර්ගයේ කිලෝමීටර් 67 කණුවේ සිට 68/1 බෝක්කුව අතර මාර්ගයට අනතුරුදායක ලෙස පිහිටා ඇති ගලක් රසායනික පිපුරුම් ද්‍රව්‍ය යොදා පුපුරුවා හැරීමේ දෙවන අදියර ක්‍රියාත්මක කිරීම හේතුවෙන් මෙලෙස මාර්ගය තාවකාලිකව වසා දැමෙන බවයි පොලීසිය සඳහන් කළේ.
ඒ අනුව අද (19) දහවල් කාලයේ සිට පස්වරු 6 දක්වා මෙලෙස මාර්ගය තාවකාලිකව වසා දැමෙන බැවින් විකල්ප මාර්ග භාවිතා කරන ලෙසටයි පොලීසිය රියදුරන්ගෙන් ඉල්ලා සිටියේ.
