රත්ගමදී ව්‍යාපාරිකයන් දෙදෙනෙකු පැහැරගෙන ගොස් ඝාතනය කර පිලිස්සීමේ සිද්ධියට අපරාධ පරීක්ෂණ දෙපාර්තමේන්තුව මග හරිමින් සිටින දකුණු පළාත් විශේෂ අපරාධ විමර්ශන ඒකකයේ පොලිස් කොස්තාපල්වරුන් 5 දෙනාට විදේශ ගමන් තහනමක් පනවා තිබෙනවා.
ඒ මෙම නඩුවගාල්ල මහේස්ත්‍රාත් හර්ෂණ කැකුණවෙල හමුවේ අද කැදවූ අවස්ථාවේදීයි.
මෙම ව්‍යාපාරිකයින් දෙදෙනා ඝාතනය කළ බවට පැවසෙන අක්මීමන ප්‍රදේශයේ නිවසේ තිබී හමුවූ ලේ සාම්පල ඇතුළු නඩු භාණ්ඩ 7 ක් රස පරීක්ෂක දෙපාර්තමේන්තුවට ලබාදෙන ලෙසද මහේස්ත්‍රාත්වරයා නියෝග කළා.
එමෙන්ම, දැනට රක්ෂිත බන්ධනාගාර ගත කර සිටින දකුණු පළාත් විශේෂ අපරාධ විමර්ශන ඒකකයේ පොලිස් පරීක්ෂක කපිල නිශාන්තගේ ජංගම දුරකථනය ද රස පරීක්ෂක දෙපාර්තමේන්තුව වෙත භාරදීම ලෙසට ද නියම කර තිබෙනවා.
ඔහු සහ එම ඒකකයේ උප පොලිස් පරීක්ෂක විරාජ් මධුශංක මාර්තු මස 13 වනදා දක්වා යලි රක්ෂිත බන්ධනාගාර ගත කෙරුණා.
