ශ්‍රී ලංකා ක්‍රිකට් ආයතනය සංවිධාන කරන විස්සයි විස්ස ලීග් ක්‍රිකට් තරඟාවලිය එළි දැක්වීමේ මාධ්‍ය හමුව ශ්‍රී ලංකා ක්‍රිකට් ප්‍රධාන විධායක නිලධාරී ඈෂ්ලි ද සිල්වා ගේ ප්‍රධානත්වයෙන් අද (17) කොළඹදී පැවැත්වුනා. එම තරඟාවලිය ලබන 21 වනදා කොළඹ R ප්‍රේමදාස ක්‍රීඩාංගණයේදී ආරම්භ වීමට නියමිතයි.
මේ තරඟාවලිය ජයග්‍රහණය කරන කණ්ඩායමට රුපියල් මිලියන දෙකක මුදලක් පිරිනැමෙනු ඇති. අනු ශූරයන්ට රුපියල් මිලියන 1.5ක මුදලක් පිරිනැමීමටයි ශ්‍රී ලංකා ක්‍රිකට් ආයතනය සැලසුම් කර ඇත්තේ.
මේ අතර මෙම තරඟාවලියේදී විස්සයි විස්ස ක්‍රිකට් පිටියේ දක්ෂතා දක්වන සචිත්‍ර සේනානායක ඉවත් කර තිබීම විශේෂත්වයක්. එමන්ම මේ තරගාවලියට ප්‍රේක්ෂකයින් අතර දැඩි කතා බහක් ඇති කර තිබු සුපිරි වේග පන්දු යවන ක්‍රීඩක ලසිත් මාලිංග කැඳවා ඇති අතර ඔහු නියෝජනය කරන්නේ නුවර කණ්ඩායමයි.
මේ තරඟාවලියේදී දිනේෂ් චන්දිමාල් කොළඹ කණ්ඩායමද, ඇන්ජලෝ මැතිව්ස් මහනුවර කණ්ඩායමද, තිසර පෙරේරා දඹුල්ල කණ්ඩායම සහ සුරංග ලක්මාල් ගාල්ල කණ්ඩායමද මෙහෙයවීමට නියමිතයි.
තරඟාවලිය දඹුල්ල, පල්ලෙකැලේ සහ කොළඹ R ප්‍රේමදාස ක්‍රීඩාංගණවලදීයි පැවැත්වීමටයි නියමිතව ඇත්තේ. තරඟාවලියේ සියලු තරංග නොමිලේ නැරඹිය හැකි බව ක්‍රිකට් ආයතනය අද නිවේදනය කළා.
මෙම තරඟාවලියට එක්වන කණ්ඩායම් සහ තරඟ කාලසටහන පහතින්.
එම අවස්ථාවේ සජීවී විකාශය පහතින්.
