දකුණු ඉන්දියාවේ කර්ණාටක ප්‍රාන්ත මැතිවරණයෙන් අග්‍රාමාත්‍ය නරේන්ද්‍ර මෝදිගේ භාරතීය ජනතා පක්ෂය විශිෂ්ඨ ජයග්‍රහණයක් කරා යොමුවද්දී ඉන්දීය කොටස් වෙළදපොළ කැපී පෙනෙන ලෙස වර්ධනය වීමක් දක්නට ලැබෙනවා.
ඒ අනුව මුම්බායි සිට ක්‍රියාත්මක ‘සෙනෙක්ස්’ කොටස් දර්ශකය අද (15) ඒකක 400කින් පමණ ඉහළ ගිය අතර, එය ඉතිහාසයේ ඉහළම අගය වාර්තා කිරීමට ද ආසන්න වුණා.
නවදිල්ලිය කේන්ද්‍ර කොටගෙන ක්‍රියාත්මක ‘නිෆ්ටි’ දර්ශකය ද අද දිනයේ 10,900 සීමාව දක්වා වර්ධනය වී තිබෙනවා.
පසුගිය දිනවල කැපී පෙනෙන ලෙස අවප්‍රමාණ වූ ඉන්දීය රුපියලේ අගය ද අද ස්ථාවර වූ අතර, ඇමරිකානු ඩොලරයක් සඳහා එහි අගය අද සටහන් වූයේ රුපියල් 67යි ශත 55ක් ලෙසයි.
