ශ්‍රී ලංකාව සමග පැවැත්වෙන පළමු ටෙස්ට් ක්‍රිකට් තරගයේ දෙවන ඉනිමේ දී සිය 13 වන ටෙස්ට් අර්ධ ශතකය ලබාගැනීමට මොමිනුල් හක් සමත්වුනා.
පන්දු 80 කින් ඔහු ලබාගත් ලකුණු 50 ට හතරේ පහර 2 ක් සහ එක් හයේ පහරක් ඇතුලත්.
බංග්ලාදේශ පළමු ඉනිම ශක්තිමත් කළ මොමිනුල් හක් ලකුණු 176 ක් ලබාගත්තා.
දෙවන ඉනිමේ දී තමින් ඉක්බාල් ලකුණු 62 ක්, ඉම්රුල් කයිස් ලකුණු 19 ක් සහ මුශ්ෆිකර් රහීම් ලකුණු 2 ක් ලබා සිටියදී දැවී ගියා.
මොමිනුල් හක් ලකුණු 52 ක් සහ ලීටන් ඩාස් ලකුණු 35 ක් ලබා පන්දුවට පහරදෙමින් සිටිනවා.
දෙවන ඉනිම වෙනුවෙන් පන්දුවට පහරදෙන බංග්ලාදේශය මේවන විට කඩුලු 3 ක් දැවී ලබාසිටින ලකුණු සංඛ්‍යාව 150 ක්.
බංග්ලාදේශය සිය පළමු ඉනිම වෙනුවෙන් සියලුදෙනා දැවී ලකුණු 513 ක් ලබාගත් අතර ශ්‍රී ලංකාව පළමු ඉනිම කඩුලු 9 කට ලකුණු 713 ක්ව තිබියදී අත්හිටවනු ලැබුවා.
