‘අසිරිමත් නත්තල’ මිනිස්කමින් අරුත් ගන්වමින් හිරු එෆ්.එම්. ප්‍රමුඛ ආසියානු මාධ්‍ය ජාලය ක්‍රියාත්මක කරන මෙදා සැරේ අපටත් නත්තල් වැඩසටහන අද ක්‍රියාත්මකයි.
ආසියානු මාධ්‍ය ජාලයේ සභාපති රේනෝ සිල්වා මහතාගේ සංකල්පයක් පරිදි හිරු එෆ්.එම්. ඇතුළු අප සහෝදර නාලිකා වන, ෂා එෆ්.එම්, ගෝල්ඞ් එෆ්.එම්., සන් එෆ්.එම් සහ සූරියන් එෆ්.එම්. වසර ගණනක සිට මෙය සංවිධාන කරන්නේ අඩු පහසුකම් සහිතව ළමා නිවාසවල වෙසෙන දරුවන්ට ඔවුන් කැමැතිම තෑග්ග ලබාදීම සඳහායි.
දරුවන්ගේම ඉල්ලීමට අනුව ඔවුන්ට අවශ්‍ය සියලූ දෑ හිරු එෆ්.එම්. වෙතින්ම මෙවර නත්තලේ ලබාදීම විශේෂත්වයක්.
මෙවර හිරු මෙදා සැරේ අපටත් නත්තල් වැඩසටහන ක්‍රියාත්මක වන්නේ වයඹ පළාත කේන්ද්‍ර කරගනිමින්.
