පිට පිට ටෙස්ට් තරඟාවලි තුනකින් මෙන්ම පසුගිය ජාත්‍යන්තර තරඟ 18න් 16කින්ම පරාජයට පත්වූ ශ්‍රී ලංකා ක්‍රිකට් පිළ සම්බන්ධයෙන් ටෙස්ට් කඩුලු වාර්තා උසුලන ප්‍රවීන ශ්‍රී ලංකා ක්‍රීඩක මුත්තයියා මුරලිදරන් ද අදහස් පළ කර තිබෙනවා.
ඉන්දීය ක්‍රීඩා මාධ්‍යයක් වෙත සාකච්ඡාවක් ලබාදෙමින් ඔහු කියා සිටියේ නායක දිනේෂ් චන්දිමාල්, කුසල් මෙන්ඩිස්, ධනංජය සිල්වා ඇතුළු ක්‍රීඩකයන් සතුව කුසලතා පැවතුණ ද ඔවුන් ස්ථාවරව දස්කම් දැක්වීමට අපොහොසත් වී ඇති බවයි.
රංගන හේරත්ගේ විශ්‍රාම ගැනීම ද ශ්‍රී ලංකා ටෙස්ට් කණ්ඩායමේ පරාජයන්ට මූලික හේතුවක් වී ඇති බව මුරලිදරන් වැඩිදුරටත් සඳහන් කළා.
