මිල සූත්‍රයට අනුව ඉන්ධන මිල ගණන් ඊයේ මධ්‍යම රාත්‍රියේ සිට යළිත් ඉහළ දැමීමට මුදල් අමාත්‍යාංශය පියවර ගත්තා.
ඔක්ටේන් 92 පෙට්‍රල් ලීටරයක් රුපියල් 3 කින් ඉහළ දැමුණු අතර, ඒ අනුව, එහි නව මිල වන්නේ රුපියල් 132 ක්. ඔක්ටේන් 95 පෙට්‍රල් ලීටරයක මිල රුපියල් 7 කින් ඉහළ යන අතර, ඒ අනුව එහි නව මිල රුපියල් 159ක් ලෙස සටහන් වනවා.
ඔටෝ ඩීසල් ලීටරයක් ඊයේ මධ්‍යම රාත්‍රියේ සිට රුපියලකින් ඉහළ ගිය අතර, එහි නව මිල රුපියල් 104ක්.
එමෙන්ම සුපර් ඩීසල් ලීටරයක් රුපියල් 8 කින් ඉහළ යන අතර, එහි නව මිල රුපියල් 134 ක් බවයි මුදල් අමාත්‍යාංශය සඳහන් කළේ.
අවසන් වරට ඉන්ධන මිල සංශෝධනය වූයේ පසුගිය මස 11 වන දායි.
ඒ අනුව පෙට්‍රල් ලීටරයක මිල රුපියල් 6කින් සහ ඩීසල් ලීටරයක මිල රුපියල් 4කින් ද ඉහළ දැමුණා.
කෙසේ වෙතත්, ඊයේ මධ්‍යම රාත්‍රියේ සිට ඉන්ධන මිල ඉහළ ගිය ද බස් ගාස්තු වැඩි කිරීමේ අවශ්‍යතාවක් නොමැති බවයි ලංකා පෞද්ගලික බස් හිමියන්ගේ සංගමයේ සභාපති ගැමුණු විෙජ්රත්න සඳහන් කළේ.
