මැදිරිගිරිය – යාය 07 ප්‍රදේශයේ ඊයේ (07) සිදුවූ රිය අනතුරකින් තුවාල ලැබූ පුද්ගලයින් දෙදෙනෙක් මැදිරිගිරිය රෝහල වෙත ඇතුලත් කර තිබෙනවා.
මැදිරිගිරියේ සිට අඹගස්වැව දෙසට ධාවනය වූ යතුරුපැදියක් සහ අඹගස්වැව සිට මැදිරිගිරිය දෙසට ධාවනය වූ මෝටර් රථයක් මුහුණට මුහුණ ගැටීමෙන් මෙම අනතුර සිදුව ඇති බවයි අප වාර්තාකරු සඳහන් කළේ.
මේ අතර අනතුරට ලක්වූ මෝටර් රථයේ තිබී කළුවර දැව කඳන් 11 සොයා ගැනීමට පොලිසියට හැකිව තිබෙනවා.
නීති විරෝධීව කපන ලද කළුවර දැව කඳන් ප්‍රවාහනය කරන අතර තුර මෝටර් රථය මෙම අනතුරට මුහුණ දී ඇති බවයි පොලිසිය සැක කරන්නේ.
මෝටර් රථයේ රියදුරු අත්අඩංගුවට ගෙන ඇති අතර ඔහු අද (08) හිඟුරක්ගොඩ මහේස්ත්‍රාත් අධිකරණය හමුවට ඉදිරපත් කිරීමට නියමිතව තිබුණා.
