පාතාල නායක මාකදුරේ මධූෂ් සමඟින් ඩුබායි හිදී අත්අඩංගුවට ගත් ගායන ශිල්පී අමල් පෙරේරාගේ සොහොයුරාගේ නිවස සහ රංගන ශිල්පි රයන් වැන් රෝයන්ගේ නිවස පොලිස් විශේෂ කාර්ය බලකාය විසින් පරීක්ෂාවට ලක්කර තිබෙනවා.
එහිදී මහරගම පිහිටි අමල් පෙරේරාගේ සොහොයුරාගේ නිවසේ තිබී කොකේන් හිස්කොපු දෙකක් සහ රයන් වැන් රෝයන්ගේ නිවසේ තිබී රහස් කුහරයක් සහිත ගමන් මල්ලක් මෙන්ම කුඩා ඩිජිටල් තරාදියක්ද සොයාගෙන තිබෙනවා.
එහිදී රංගන ශිල්පි රයන් වැන් රෝයන්ගේ සහෝදරයා අත්අඩංගුවට ගෙන තිබෙනවා.
මේ අතර ගායන ශිල්පි අමල් පෙරේරාගේ සොහොයුරු සොහාන් පෙරේරාද අත්අඩංගුවට ගත් බව පොලිස් විශේෂ කාර්ය බලකායේ උසස් නිලධාරියෙකු සඳහන් කළා.
කෙසේ වෙතත්, හිරු ප්‍රවෘත්ති අංශය අමතමින් ගායන ශිල්පී අමල් පෙරේරාගේ සොහොයුරු සොහාන් පෙරේරා කියා සිටියේ තමාව කිසිදු අවස්ථාවක අත්අඩංගුවට ගැනීමක් සිදු නොකළ බවයි.
ඒ පිළිබඳව අදහස් දක්වමින් සොහාන් පෙරේරා සමාජ මාධ්‍ය වෙත එක්කර තිබූ වීඩියෝවක් පහතින්.
