මාතර නගරයේ ස්වර්ණාභරණ අලෙවිසැලක් කොල්ලකෑමට පැමිණි පිරිසක් සහ පොලීසිය අතර මීට ටික වේලාවකට පෙර වෙඩි හුවමාරුවක් සිදුව තිබෙනවා.
ඉන් පොලිස් නිලධාරින් 3 දෙනෙකු සහ සිවිල් පුද්ගලයෙකු තුවාල ලබා මාතර රෝහලට ඇතුළත් කර ඇති බවයි වාර්තා වන්නේ.
පොලිස් හදිසි ඇමතුම් අංකයට ලද ඇමතුමකට අනුවයි පොලිසිය එම ස්ථානයට පැමිණ ඇත්තේ.
කොල්ලකරුවන් අතරින් එක් අයෙකුටද වෙඩි තැබීම හේතුවෙන් තුවාල සිදුව ඇති බවටයි වාර්තා වන්නේ.
කොල්ලකරුවන් පලාගොස් ඇති අතර, ඔවුන් අත්අඩංගුවට ගැනීමට පොලිස් කණ්ඩායම් කිහිපයක් යොදවා ඇති බව ජ්‍යෙෂ්ඨ පොලිස් නිලධාරියෙකු අප කළ විමසීමකදී සඳහන් කළා.
