මාතලේ – විල්ගමුව නිපොන් පාලම අසල මහවැලි ගඟේ වැලි කැණීමට ගිය පුද්ගලයින් දෙදෙනෙකු අතුරුදන්ව තිබෙනවා.
මොවුන් අද අලූයම මෙලෙස වැලි කැණීමට ගොස් ඇති අතර, ඔවුන් ගමන් කළ බෝට්ටු දෙක ද අතුරුදන්ව ඇති බවයි විල්ගමුව පොලීසිය කියා සිටියේ.
ඊයේ රාත්‍රියේ ප්‍රදේශයට බලපෑ අධික වර්ෂාවත් සමග මහවැලි ගඟේ ජල මට්ටම ඉහළ යාම හේතුවෙන් මොවුන් සහ බෝට්ටු ජලයේ ගසාගෙන යන්නට ඇති බවයි පොලීසිය සැක කරන්නේ.
එකම පවුලේ සහෝදරයන් දෙදෙනෙකු මෙලෙස අතුරුදන්වී ඇති අතර ඔවුන් විල්ගමුව ගඟසිරිගම පදිංචිකරුවන්.
