නාවලපිටිය පොලිස් ස්ථානාධිපතිවරයා මාරු කරන ලෙසට ඉල්ලා මහනුවර දිස්ත්‍රික් එක්සත් ජාතික පක්ෂ පාර්ලිමේන්තු මන්ත්‍රී ආනන්ද අලුත්ගමගේ ආරම්භ කළ විරෝධතාව අවසන් කර තිබෙනවා.
නාවලපිටිය පොලිස් ස්ථානය ඉදිරිපිට මාර්ගයේ අලුයම 5 සිට පැවැත්වු විරෝධතාව පස්වරු 2 ට පමණ අවසන් කර ඇති බවයි අප වාර්තාකරු සඳහන් කළේ.
මධ්‍යම පළාත් සභා මන්ත්‍රී එම් ටී ඒ මුතාලිෆ්, ආනන්ද අලුත්ගමගේ මන්ත්‍රීවරයා සහ පොලිස් ස්ථානාධිපතිවරයා සමග පැවැත්වූ සාකච්ඡාවකින් පසු ඇතිවු එකගතාවකින් අනතුරුව මන්ත්‍රීවරයා විරෝධතාව අවසන් කර තිබෙනවා.
මෙම විරෝධතාව හේතුවෙන් නාවලපිටිය මහනුවර ප්‍රධාන මාර්ගයේ රථ වාහන ගමනාගමනයට ද බාධා මතුව තිබු අතර මේ වන විට එය යථා තත්වයට පත්වී තිබෙනවා.
