කෙසෙල්වත්තේ දිනුකගේ ප්‍රධාන ගෝලයෙකු ලෙස සැලකෙන මත්ද්‍රව්‍ය සමඟ ඊයේ (09) රාත්‍රියේ අත්අඩංගුවට ගත් අජිත් නැමැත්තා කොළඹ ප්‍රධාන බස් නැවතුම්පොළවල කප්පම් ගැනීමේ කටයුතුවල නිරත වී ඇති බවට විමර්ශනවලදී අනාවරණ වී තිබෙනවා.
කෙසෙල්වත්තේ දිනුක මේ වන විට ඩුබායි රාජ්‍යයේ සැඟව සිටින බවටයි සැක කෙරෙන්නේ.
ඔහුගේ ප්‍රධාන ගෝලයා ලෙස සැලකෙන අජිත් නැමැත්තා ගුණසිංහපුර පිහිටි ඔහුගේ නිවසේ දී අත්අඩංගුවට ගනු ලැබුවේ පොලිස් විශේෂ කාර්ය බලකාය විසින්.
වැඩිදුර විමර්ශනවලදී අනාවරණ වී ඇත්තේ සැකකරු ගුණසිංහපුර, බැස්ටියන් මාවත සහ මධ්‍යම බස් නැවතුම්පොළෙහි මෙලෙස කප්පම් මුදල් එකතු කර ඇති බවයි.
මීට අමතරව ඔහුට පුද්ගල ඝාතනය සම්බන්ධයෙන් ද චෝදනා එල්ල වී ඇති බව පොලීසිය සඳහන් කළා.
ඩුබායි හි සිටින කෙසෙල්වත්තේ දිනුක මත්ද්‍රව්‍ය ජාවාරම් සහ මෙරට සිදුවූ ඝාතන සම්බන්ධයෙන් චෝදනා ලැබූ අයෙක්.
