බංගලාදේශය දණගැස්වූ අපේ පාපන්දු කණ්ඩායමේ වැඩකරුවෙක් ගහපු සුපිරිම ගෝල් එක මෙන්න "
ශ්‍රී ලංකා පාපන්දු කණ්ඩායම සහ බංගලාදේශ පාපන්දු කණ්ඩායම අතර පසුගියදා පැවති තරඟය 1 ට 0 ක් ලෙස ජයගැනීමට ශ්‍රී ලංකාව සමත් වුනා.
මේ අතර තරඟයේ ශ්‍රී ලංකා කණ්ඩායම වෙනුවෙන් ලැබුණු එකම ගෝලය ලබාගත් මොහොමඩ් ෆසාල් එල්ලකළ සුපිරි පහර වෙත මේ වනවිට ලෝකයේම අවධානය යොමුව තිබෙනවා.
තරඟය පැවැත්වුනේ බංගලාදේශයේ නිල්පමාරි හි ශේයික් කමාල් ක්‍රීඩාංගණයේ දීයි.
පළමු මිනිත්තු 10 තුලදී ශ්‍රී ලංකාවට ප්‍රබල බලපෑමක් එල්ලකිරීමට බංගලාදේශය සමත් වුවද මොහොමඩ් ෆසාල් යාර 40ක් පමණ දුර සිට එල්ලකළ සුපිරි පහර කෙලින්ම නතර වූයේ බංගලාදේශ දැල තුලයි.
එම ගෝලයත් සමඟ සතුට සැමරීමට මොහොමඩ් ෆසාල් තමන් පැලඳ සිටි ජර්සිය ගලවා එම ගෝලය සැමරීම සිදුකලද එයට කහ කාඩ්පතකින් අවවාද කිරීමට ද විනිසුරු තීරණය කළා.
අවසානය දක්වා බංගලාදේශය ශ්‍රී ලංකා දැල ආක්‍රමණය කිරීමට ගත් උත්සාහයන් ව්‍යර්ථ වූයේ ශ්‍රී ලංකා කණ්ඩායමේ දැඩි ආරක්ෂාව හේතුවෙන්.
ඒ අනුව තරඟයේ අවසානය දක්වා ශ්‍රී ලංකා කණ්ඩායම පෙරමුණේ පසුවූවා.
අවසානයේ තරඟයට අමතර මිනිත්තු 9ක කාලයක් එක්වූ අතර එහිදී තරඟයේ ජය ශ්‍රී ලංකාවට හිමිකර දෙමින් ශ්‍රී ලංකා කණ්ඩායමේ සුජාන් බංගලාදේශ අවසන් උත්සාහයද ව්‍යර්ථ කළා.
ලෝකෙම අවධානය යොමුවූ මොහොමඩ් ෆසාල් එල්ලකළ සුපිරි පහර පහතින්.
rnrn
