කළුබෝවිල ප්‍රදේශයේ පිහිටි පෞද්ගලික බැංකුවක අද අලුයම ගින්නක් හටගෙන තිබෙනවා.
ඉන් බැංකුවේ ඉදිරිපස කොටසට සහ ATM යන්ත්‍රයට හානි සිදුවී ඇති බවයි පොලිසිය කියාසිටියේ.
අලුයම 4.10 ට පමණ ඇතිවූ ගින්න දෙහිවල ගල්කිස්ස මහ නගර සභාවේ ගිනි නිවීම් ඒකකයේ නිලධාරීන් සහ කොහුවල පොලිසියේ නිලධාරීන් එක්ව මැඩපවත්වා තිබෙනවා.
ගින්නට හේතුවක් මෙතෙක් අනාවරණ වී නොමැති අතර සිදුවූ අලාභය ද මෙතෙක් තක්සේරු කර නැහැ.
කොහුවල පොලිසිය සිද්ධිය පිළිබඳ විමර්ශණ ආරම්භ කර තිබෙනවා.
